ChL: «Bavarııa» qosymsha ýaqytta «ıÝventýsty» tize búktirip, shırek fınalǵa joldama aldy
ASTANA. QazAqparat - Mıýnhenniń «Bavarııasy» Chempıondar lıgasynyń 1/8 fınalynyń qarymta kezdesýinde «ıÝventýsty» 4:2 esebimen san soqtyrdy.
24 aqpan kúni ótken birinshi oıynda qos komanda bir-biriniń qaqpasyna eki goldan salyp, teń tarqasqan edi. Qarymta kezdesýde qaı jeńgeni shırek fınalǵa shyǵatyn bolǵandyqtan da oıyn óte tartysty ótti.
Negizgi ýaqytta bul joly da esep 2:2 bolyp aıaqtaldy. Sondyqtan tóreshi «ekstra taımda» jeńimpaz anyqtalýy tıis dep sheshti. Qosymsha ýaqytta eki gol jiberip alǵan «ıÝventýs» jeńilistiń kermek dámin tatty.
Aıta keteıik, osydan birer sát buryn «Barselona» komandasy ekinshi ret londondyq «Arsenaldy» tize búktirip, shırek fınalǵa joldama aldy. Buǵan deıin Chempıondar lıgasynyń shırek fınalyna frantsýzdyq «PSJ», portýgaldyq «Benfıka», nemistiń «Volfsbýrgi», madrıdtik «Real» jáne «Atletıko», sondaı-aq aǵylshynnyń «Manchester Sıtı» komandasy shyqqan bolatyn. Endi bul qatardy «Bavarııa» tolyqtyrdy.
