ChL: «Astana» men «Benfıka» teń oınady
ASTANA. QazAqparat - Chempıondar Lıgasy toptyq kezeńiniń besinshi týry aıasynda ótken «Astana» men «Benfıka» komandalarynyń kezdesýi 2:2 esebimen aıaqtaldy.
Aıta keteıik, «Astana Arena» stadıonynda ótken oıynnyń alǵashqy 30-shy mınýtynda «Astana» 2:0 esebimen alda kele jatqan. Aldymen kezdesýdiń 19-shy mınýtynda Patrık Tvýması esep ashsa, oıynnyń 30-shy mınýtynda «Astana» sapynan Anıchıch esepti eselegen. Biraq kóp uzamaı «Benfıka» «Astananyń» eseptegi basymdyǵyna ese qaıtara bildi. Oıynnyń 40-shy mınýtynda portýgaldyqtar sapynan Raýl Hımenes gol soǵyp, esepti 2:1-ge jetkizdi. Al kezdesýdiń 72-shi mınýtynda qarsylastar sapynda Raýl Hımenes dýbl avtory atandy. Osy oıynnan keıin «Benfıka» S tobynda on upaımen kósh bastap keledi. «Astana» komandasy bolsa, úsh ball jınap, tórtinshi orynda tur.
