ChL: «Astana» komandasy byltyrǵy jetistigin qaıtalaı ala ma?
ASTANA. QazAqparat - ««Astana» Chempıondar lıgasyndaǵy byltyrǵy jetistigin qaıtalaı alady. Tipti, múmkindik bolsa, asyp ta túsedi. Fýtbolshylardyń boıynda buǵan qajetti fızıkalyq ta, psıhologııalyq ta daıyndyq bar». Chempıondar lıgasynyń ekinshi irikteý kezeńiniń ekinshi kezdesýi aldynda elordalyq klýbtyń bas bapkeri osylaı málimdedi.
Esterińizde bolsa, byltyr otandyq klýb sensatsııa jasap, Chempıondar lıgasynyń toptyq kezeńine jetken edi. Erteń astanalyq komanda óz alańynda lıtvalyq «Jalgırısti» qabyldaıdy, dep jazady 24.kz.
Aıta keteıik, Vılnıýs qalasynda ótken alǵashqy kezdesý 0:0 esebimen aıaqtalǵan bolatyn.
«Erteńgi oıynda qalaı da jeńiske jetýimiz kerek. Óıtkeni, alań ózimizdiki, myńdaǵan jankúıer bolady jáne ótken jylǵy abyroıymyz bar. Sondyqtan, qorǵanysty kúsheıtip, kóbirek shabýyldaýǵa tyrysamyz. Osyǵan oraı negizgi quramda birer ózgeris boldy», - deıdi «Astana» komandasynyń bas bapkeri Stanımır Stoılov.
