Chıta turǵynynan 17,5 keli altyn tárkilendi
ASTANA. QazAqparat - Reseı Federatsııasy Zabaıkale okrýginiń FQQ basqarmasynyń qyzmetkerleri sap altynnyń iri partııasyn tárkiledi.
17,5 keliden astam baǵaly metall Chıta turǵynynyń bank uıashyǵynda saqtaýly jatqan, dep habarlaıdy ITAR-TASS vedomstvonyń baspasóz qyzmetine silteme jasap.
Uıashyq ıesiniń aıtýynsha, ol altyn saptamalary salynǵan paketti qala syrtyndaǵy ormannan taýyp alǵan.
"Aldyn ala tergeý organdary qymbat metaldardyń shyn máninde qaıdan shyqqandyǵyn anyqtaıtyn bolady", - delingen habarlamada.
Bul Zabaıkale okrýginde tárkilengen altynnyń eń iri partııasy bolyp otyr. Mamandardyń baǵalaýynsha, olardyń naryqtaǵy quny 20 mln. rýbldan asady.
