Chınshanlo eshqaıda ketpeıdi - A.Nı
ASTANA. 4 qyrkúıek. QazAqparat - Ziltemirshi Zýlfııa Chınshanlo qytaılyq azamatqa turmysqa shyqsa da, eshqaıda ketpeıdi. Ol Qazaqstannyń namysyn qorǵaı beretin bolady. «Vremıa» gazetine suhbat bergen aýyr atletıka boıynsha Qazaqstan quramasynyń bas bapkeri Alekseı Nı osylaı aıtty.
Onyń habarlaýynsha, Zýlfııanyń súıiktisi Qazaqstanda turýǵa ótinish bildirgen. Ol úshin tıisti qujattaryn da tapsyryp qoıdy. Toı áli bolǵan joq. Alaıda jas jubaılar nekege zańdy túrde turdy. «Alaıda neke Zýlıa úshin qıyndyq týǵyzbaıdy. Qazir ol jattyǵýlarǵa kirisip te ketken. Menińshe, januıa sportqa keri áser etpeıdi. Bilesiz be, Zýlıa óz jigitin qatty saǵynyp júretin - únemi telefon shalyp, Qytaıǵa asyǵyp, árdaıym sol jaqqa baryp turdy. Endi, másele sheshildi», - deıdi A.Nı.
