Chınshanlo Aýyr atletıkadan halyqaralyq kýbokta «kúmis» jeńip aldy
NUR-SULTAN. QazAqparat – Qazaqstandyq Zýlfııa Chınshanlo Ózbekstan Respýblıkasynyń táýelsizdigi kúnine arnalǵan Aýyr atletıkadan halyqaralyq kýbokta ekinshi oryn ıelendi, dep habarlaıdy QazAqparat Sports.kz saıtyna silteme jasap.
Týrnır onlaın rejımde ótip jatyr.
55 kelige deıingi salmaq dárejesinde Ózbekstan sportshysy Mýattar Nabıeva qos saıys nátıjesinde 205 kelini (95+110) eńserip, jeńimpaz atandy.
Chınshanlo julqa kóterýden áriptesine ese jiberse, serpe kóterýden oǵan jeter eshkim bolmady (115 keli). Alǵashqy úshtikti polshalyq sportshy Ioanna Lohovskaıa (80+105) tuıyqtady.
Eske salaıyq, saıystyń shartyna sáıkes sportshylar dodaǵa úıden nemese jattyǵý ortalyǵynan qatysa alady. Uıymdastyrýshylar jattyǵý oryndaý men vıdeoqondyrǵyny ornatý boıynsha birqatar erejelerdi bekitti. Alaıda, bul Kýbok tehnıkalyq jarys erejelerine sáıkes kelmegendikten, onyń nátıjelerin, sonyń ishinde jańa rekordtardy halyqaralyq aýyr atletıka qoǵamdastyǵy resmı moıyndamaıdy.
