Chılılik kenshiler jer astyndaǵy birinshi aılaryn atap ótti
ASTANA. Qyrkúıektiń 6-sy. QazAqparat - Shahtanyń ishinde qalyp qoıǵan chılılik kenshiler jer astyndaǵy birinshi aılaryn atap ótti. Shahterlarmen alǵash ret balanys ornatylǵan jerge keshe olardyń týǵan-týystary, tipti eldiń ken ónerkásibi mınıstri keldi, dep habarlaıdy «Maıak» radıosy.
Al qutqarýshylar qutqarý uńǵysyn qazýdy jedeldetýde. Qazirgi tańda olar 40 metr jerdi júrip ótti, alda áli 600 metrdeı qashyqtyq bar. Odan keıin shahterlardy 700 metrlik tereńdikten alyp shyǵý úshin, uńǵyny keńeıtý jumystary júrgiziledi. Sarapshylardyń paıymdaýynsha, qutqarý operatsııasy 3-4 aıǵa sozylady.
Chılıde osymen 1 aı boıy jer astynda jatqan 33 shahter aman-esen. Qutqarýshylar kenshilermen baılanys ornatyp, olarǵa barlyq qajetti zattar tesik arqyly jetkizilip turady. Ókinishke oraı, álgi tesik shahterlardy shyǵaryp alýǵa tym tarlaý bolyp otyr. Qutqarýshylar, keńdeý uńǵyny burǵylaýǵa 3-4 aıǵa jýyq ýaqyt ketýi múmkin ekenin málim etýde.
