Chılıdiń eks-prezıdenti BUU Bas hatshysy laýazymyna talasýdan bas tartty
ASTANA. KAZINFORM — Chılıdiń burynǵy prezıdenti ári BUU-nyń adam quqyqtary jónindegi burynǵy joǵarǵy komıssary Mıshel Bachelet BUU Bas hatshysy laýazymyna kandıdatýrasyn usynýdy jalǵastyrmaıtynyn málimdedi, dep habarlaıdy Report.
Bachelet bul týraly Instagram jelisinde jarııalanǵan beınejazbada aıtty.
— Búgin BUU Bas hatshysy laýazymy úshin kúresti jalǵastyrmaý týraly sheshim qabyldaǵanymdy jarııalaımyn, — dedi ol.
Bachelet kandıdatýrasyn usynǵany jáne qoldaý kórsetkeni úshin Brazılııa prezıdenti Lýıs Inasıý Lýla da Sılva men Meksıka prezıdenti Klaýdııa Sheınbaýmǵa alǵys bildirdi.
— Men bul úlken synaqty qabyldaǵanyma ókinbeımin. Biz kelesi Bas hatshy Latyn Amerıkasynan shyqqan áıel, shyn máninde táýelsiz ári Uıym Jarǵysynyń qaǵıdattaryna adal adam bolýy kerek degen ustanymnyń jahandyq deńgeıde ornyǵýyna óz úlesimizdi qostyq. Ol memleketterdiń kólemi men qýatyna qaramastan, osy qaǵıdattardy olardyń aldynda tabandy túrde qorǵaýy tıis, — dedi ol.
Qazir BUU Bas hatshysy laýazymyna Halyqaralyq atom energııasy agenttiginiń (MAGATE) bas dırektory Rafael Grossı (Argentına), BUU Saýda jáne damý jónindegi konferentsııasynyń (ıÝNKTAD) bas hatshysy Rebeka Grınspan (Kosta-Rıka), Senegaldyń burynǵy prezıdenti Makı Sal, Ekvadordyń burynǵy syrtqy ister mınıstri ári burynǵy qorǵanys mınıstri Marııa Fernanda Espınosa Garses, Gaıananyń BUU janyndaǵy turaqty ókili Karolın Rodrıges-Bırkett jáne Ekvadordyń AQSh pen Frantsııadaǵy burynǵy elshisi Ivonn Bakı úmitker bolyp otyr.
Aıta keteıik, BUU Bas Assambleıasy Folker Tıýrktiń ókilettik merzimin uzartty.
