Chılıdegi jer silkinisi jerdiń kindigin jyljytyp jiberdi

Bul týraly NASA reaktıvtik qozǵalys zerthanasynyń habarynda aıtylǵan, dep habarlady RBK agenttigi.

Áńgime Jerdiń aınalý kindigi týraly bolyp otyrǵan joq, ǵalamshardyń tepe-teńdik massasynyń kindigi jóninde bolyp otyr.

Onyń ornynan jyljyp ketýi shamamen 3 dıýımdi, ıaǵnı 8 santımetrdi quraıdy. Jer qyrtysynyń jyljýy jer táýliginiń uzaqtyǵyn 1,26 mıkrosekýndqa azaıtty.

Budan basqa mamandar Chılıdegi zilzaladan Jerdiń kindiginiń jyljýy 2004 jylǵy Sýmatradaǵy jer silkinisinen kúshti bolǵanyn aıtady, onda jerdiń kindigi normadaǵydan 7 santımetrge aýytqyǵan bolatyn.

Esterińizge sala keteıik, aqpannyń 27-sinde Chılı jaǵalaýyndaǵy muhıtta kúshi Rıhter baǵanymen 8,8 ball jer silkinisi bolǵan edi. Alǵashqy zilzaladan keıin sol jerde terbelisi 5,4-ten 6,9 ballǵa deıin birneshe jer dúmpýi qaıtalandy.