Chılıdegi órtten qaza tapqandar sany 131-ge jetti

ASTANA. KAZINFORM – Ótken aptanyń sońynda Chılıde bolǵan orman órti saldarynan kem degende 131 adam qaza taýyp, 100-ge tarta adam iz-túzsiz joǵalyp ketti. Ázirge 35 adamnyń máıiti tabylǵan. Bul týraly Reuters agenttigi jazdy. 

Órtten qatty zardap shekken aýdandarǵa jaqyn ornalasqan Valparaıso qalasynda jaqyndaryn izdep júrgenderge psıhologııalyq qoldaý kórsetilip, DNQ testileýi júrgizilip jatyr. Alaıda bul protsess tabylǵan denelerdiń qatty kúıip ketýine baılanysty uzaqqa sozylýda. 

Bul - 500-den astam adamnyń ómirin qıǵan 2010 jylǵy jer silkinisi men tsýnamıden keıingi elde bolǵan eń aýyr tabıǵı apat. Prezıdent Gabrıel Borıch seısenbi kúni aımaqqa baryp, zardap shekken otbasylarǵa kómek kórsetiletinin aıtty. 

Buǵan deıin Chılıdiń Valparaıso aımaǵyndaǵy orman órtinen qaza tapqandar sany 100 adamnan asqany habarlanǵan bolatyn.