Chılıdegi qarttar úıindegi órtten 16 adam qaza tapty
ASTANA. KAZINFORM – Chılıdiń ońtústigindegi qarttar úıinde órt shyǵyp, keminde 16 adam qaza tapty. Oqıǵa juma kúni keshke bolǵan, dep habarlaıdy Xinhua agenttigi.
Órt 12 qyrkúıekke qaraǵan túni jergilikti ýaqytpen shamamen saǵat 22:30-da qarttar úıinen shyqqan. Polıtsııa qyzmetkeriniń aıtýynsha, ǵımaratta turatyn adamdardyń tek 10-y ǵana qaýipsiz jerge evakýatsııalanǵan. Qalǵan 16 adam qaza tapqan.
Oqıǵa ornyna órt sóndirý bólimsheleri men medıtsınalyq brıgadalar, sondaı-aq kórshiles kommýnalardyń qyzmetteri jiberilgen. Órt sóndirýshiler men medıtsına mamandary zardap shekkenderge kómek kórsetip, olardy aýrýhanalarǵa jetkizgen.
Órt sóndirýshiler, polıtsııa qyzmetkerleri jáne jergilikti mýnıtsıpalıtet mamandary tańǵa deıin oqıǵa ornynda jumys istep, úıindilerdi tazalaǵan jáne aýmaqty qorshaýǵa alǵan.
Qazir órttiń shyǵý sebebin anyqtaý úshin tergeý júrgizilip jatyr.
Aıta keteıik, osyǵan deıin Fılıppın jaǵalaý kúzeti MV June Aster jolaýshylar paromyndaǵy órtten qaza tapqandar sany 76 adamǵa jetkenin habarlaǵan. Taǵy 13 adam iz-túzsiz joǵalǵan.
Sondaı-aq bıyl qańtar aıynda Chılıdiń ońtústigindegi eki óńirde orman órtine baılanysty tótenshe jaǵdaı jarııalandy.
