Chılıdegi eń qurǵaq Atakama shólinde 10 jyldan beri alǵash ret qar jaýdy
ASTANA. KAZINFORM – Jer betindegi eń qurǵaq shól sanalatyn Atakamada sońǵy on jylda alǵash ret qar jaýdy, dep habarlaıdy Kazinform agenttiginiń tilshisi.

Atakama shóliniń keıbir aımaqtarynda ondaǵan, tipti júzdegen jyl boıy jaýyn-shashyn tirkelmegen.
Bul týraly ALMA observatorııasynyń baspasóz qyzmeti X áleýmettik jelisinde habarlady.
«Keremet! Álemdegi eń qurǵaq Atakama shóli qar jamyldy!» – delingen habarlamada.
Mundaı aýa raıy anomalııasy sońǵy ret on jyl buryn baıqalǵany atap ótildi.
Ádette, mundaı qubylystar Tynyq muhıtynan kelgen sýyq aýa massalarynyń ylǵaldy fronttarmen túıisýi nátıjesinde paıda bolady. Atakama shólindegi qar jergilikti ekojúıege aıtarlyqtaı áser etip, kólik qatynasy men turǵyndardyń ómirine qıyndyqtar týdyrýy múmkin.
Eske salaıyq, buǵan deıin Grekııadaǵy bıoalýantúrlilik baqylaý ortalyǵy Egeı teńizinde ýly kúlgin medýzalardyń sany aıtarlyqtaı artqanyn habarlaǵan bolatyn.