Chılıde zilzala qurbandarynyń sany 700 adamnan asty
STANA. Naýryzdyń 1-i. QazAqparat - Chılıde zilzala qurbandarynyń sany 700 adamnan asty. Bul týraly el prezıdenti Mıshel Bachelet hanym málim etti,
dep habarlaıdy RBK agenttigi. Buǵan deıingi aqparattarda 400 adamnyń qaza bolǵandyǵy habarlanǵan bolatyn.
Biraq ta, munyń barlyǵy aldyn ala málimetter.
Santıagoda jáne elordaǵa jaqyn mańdaǵy aýdandarda úıindiler endi tazartyla bastady. Eldiń basqa óńirlerinen apat qurbandary týraly alǵashqy málimetter endi túsip jatyr. Apat saldarynan Konsepson jáne Valparaıso qalalarynyń qatty zardap shekkeni aıtylýda.
Zilzaladan zardap shekken keıbir aýdandarda jaryq, telefon baılanysy joq, aýyz sý jetispeýshiligi baıqalýda. Jer silkinisi saldarynan Santıagonyń halyqaralyq áýejaıy jabyldy, reısterdiń bári toqtatyldy. Jańa zilzala bolady dep qaýiptengen adamdar úılerine oralýǵa qorqyp, dalada júr.
Rıhter baǵamy boıynsha kúshi 6,1 baldyq jańa jerasty dúmpýleri Chılı elordasy - Santıagoda alǵashqy apattan keıin 9 saǵattan keıin tirkelgen bolatyn.
Eýroodaq jedel kómek retinde Chılı turǵyndaryna 3 mıllıon eýro bólýge ázir ekenin jarııa etti. AQSh ta kómek kórsetýge nıet bildirip otyr.
Esterińizge sala keteıik, Chılıde ótken aptada kúshi Rıhter baǵamy boıynsha 8,5 baldyq zilzala boldy. AQSh-tyń Ulttyq geologııalyq qyzmetiniń habarlaýynsha, zilzalanyń kindigi Konsepson qalasynan soltústik-shyǵysqa qaraı 91 shaqyrym qashyqtyqta jáne Santıago qalasynan 339 shaqyrym jerde bolǵan. Zilzala oshaǵy 55 shaqyrymdyq tereńdikte oryn alǵan.
