Chılıde jer silkinisinen keıin tsýnamı qaýpi týraly eskertý jarııalandy
ASTANA. KAZINFORM — Chılı ulttyq tabıǵı apattardy basqarý agenttigi Dreık ótkelinde bolǵan jer silkinisinen keıin eldiń ońtústiginde tsýnamı qaýpi bar ekenin eskertti. Bul týraly TASS agenttigi jazdy.
Tótenshe jaǵdaılardy joıý jónindegi ulttyq organnyń habarlaýynsha, eskertý qaýip seıilgenshe kúshinde bolady.
— Qyzmet Magallans aımaǵyndaǵy Kabo-de-Hornos mýnıtsıpalıtetine qyzyl tsýnamı týraly eskertý jarııalady. Eskertý búgin kúshine enedi jáne talap qajet bolǵansha kúshinde qalady, — delingen habarlamada.
Chılı Áskerı-teńiz kúshteriniń gıdrografııalyq jáne okeanografııalyq qyzmeti de eldiń Antarktıkadaǵy bazalaryna eskertý jasady. Ol onda ornalasqan qyzmetkerlerge jaǵalaýǵa jaqyndamaýǵa keńes berdi.
Sondaı-aq keshe Fılıppınde de tsýnamı qaýpi týraly eskertý jarııalandy.