Chılıde jer silkindi
ASTANA. Naýryzdyń 29-y. QazAqparat - Jeksenbi kúni Chılıde kúshi 5.9 baldyq kezekti jer silkinisi boldy,
dep habarlaıdy AQSh-tyń Geologııalyq qyzmeti.
Jer silkinisi ámbebap úılestirilgen ýaqyt boıynsha saǵat 21:38-de (máskeý ýaqyty boıynsha 00.38-de) oryn aldy. Seısmologtardyń málimetteri boıynsha, zilzala kindigi Chılıdiń Talka qalasynyń batysyna qaraı 120 shaqyrymdaı jerde bolǵan. Onyń oshaǵy 21 shaqyrymdaı tereńdikte oryn alǵan. Qurbandar men qıraýlar týraly, sondaı-aq tsýnamı qaýpi týraly eshqandaı habar joq.
Chılıdi 8,8 baldyq jer silkinisi bolǵan kúnnen beri, ıaǵnı aqpannyń 27-sinen «silkip» jatqanyn aıta ketk kerek. Sol joly jer silkinisinen keıin tsýnamı de bolǵan edi. Sońǵy resmı málimetter boıynsha, qýatty zilzala men tsýnamıdiń saldarynan 497 adam opat bolǵan. Sol aralyqtan bergi kezeńde seısmologtar 60-tan astam kishigirim jerasty dúmpýlerin tirkep otyr. Olardyń ishindegi eń qýattysy - 7,2 baldyq jer silkinisi naýryzdyń 11-inde bolyp, Rankagýa qalasyna úlken zardap ákeldi.
