Chılıde jer astynda qalyp qoıǵan kenshilerge jaryq tartyldy
ASTANA. Qyrkúıektiń 13-i. QazAqparat - Chılıde tamyz aıynan beri jer astynda, shahtada jabylyp qalǵan 33 kenshige jaryq tartyldy. Buǵan deıin qutqarýshylar apatty shahtadaǵy jeldetkish júıesin tolyq qaıta qalpyna keltirgen edi. Sodan keıin kenshilerge temeki tartýǵa ruqsat berildi, dep habarlaıdy «Maıak» radıosy.
Esterińizge sala keteıik, tamyzdyń 5-inde taý jynysy opyrylyp, 17 kún boıy kenshilerdiń taǵdyry belgisiz bolyp kelgen edi. Jer astynda qalyp qoıǵan kenshilermen tamyzdyń 22-sinde ǵana baılanys ornatylyp, qutqarýshylar burǵylaǵan tesik arqyly olarǵa sý, azyq-túlik, dári-dármek jetkizilgen bolatyn. Kenshilerdiń jaǵdaıyn dárigerler men psıhologtar syrttan qaǵadalap otyr.
Kenshilerdi jer betine shyǵarý úshin qutqarýshylar tereńdigi 700 metrlik, eni 66 santımetrlik uńǵy qazýlary kerek. Mamandardyń baǵalaýynsha, tonneldi qazýǵa birneshe aı ýaqyt ketedi.
