Chılıde janartaýdyń atqylaý qaýpinen jergilikti halyq qaýipsiz jerge kóshirilýde
ASTANA. 28 mamyr. QazAqparat - Chılı bıligi eldiń ońtústigindegi Kopaýe janartaýynyń atqylaý qaýpine baılanysty 2 myńnan astam adamdy qaýipsiz jerge kóshirýdi tapsyrdy.
Bul týraly Bı-Bı-Sı jazyp otyr.
Ótken jyldyń jeltoqsanynan beri janartaý 1 shaqyrym bıiktikke tútin men kúldi atqylaı bastaǵan. Kórshi Argentınanyń bıligi de janartaýdyń atqylaý qaýpine alańdaýshylyq bildirgenimen, ázirge turǵyndardy kóshirýdiń qajettigi joqtyǵyn alǵa tartýda.
Sońǵy birneshe táýlik ishinde janartaý aýmaǵynda birqatar álsiz jer asty dúmpýleri sezilgen.
