Chılıde ushaq turǵyn úıdiń janyna qulap, 6 adam qaza tapty
NUR-SULTAN. QazAqparat - Chılıde shaǵyn ushaq apatqa ushyrap, alty adam mert boldy, dep habarlaıdy El Nacional basylymy.
"Arhıpelagos" kompanııasynyń ushaǵy Chılıdiń Los-Lagos óńirindegi reısti oryndaǵan. Áýe kemesi Pýerto-Mont qalasyndaǵy eki úıdiń arasyna qulaǵan. Olardyń biri túgeldeı janyp ketti. Oqıǵa ornynda qutqarý qyzmeti lapyldaǵan jalyndy sóndirýge áreket jasap jatyr.
Bortta qansha adamnyń bolǵany, sondaı-aq ushaqtyń ne sebepti qulaǵany jóninde ázirge aqparat túse qoıǵan joq.
