Chılıde tótenshe jaǵdaı jarııalandy
NUR-SULTAN. QazAqparat – Chılıde stýdentter jappaı sherýge shyǵýyna baılanysty, eldiń eki provıntsııasynda tótenshe jaǵdaı jarııalandy, dep habarlaıdy «QazAqparat» HAA jergilikti basylymdarǵa silteme jasap.
The Santiago Times basylymynyń habarlaýynsha, el prezıdenti Sebastıan Pınera eldegi qaýipsizdikti qamtamasyz etýdi armııanyń qolyna senip tapsyrǵan, Santıago metrosynyń barlyq stansasy jabylǵan.
«Tótenshe jaǵdaı engizýdegi maqsat – qoǵamdyq tártipti qamtamasyz etý jáne Santıago qalasynyń turǵyndarynyń qaýipsizdigin saqtaý», - dedi prezıdent ortalyq telearna efırinen.
Stýdentter metroda júrý tarıfiniń 4%-ǵa kóterilýine qarsy. Apta basynan beri júzdegen stýdent kóshege shyǵyp, metro stansalarynda narazylyq aktsııalaryn ótkizgen. Apta sońyna qaraı jaǵdaı ýshyǵyp, metronyń jeti stansasyna ot qoıylǵan.
Budan bólek, bank bólimsheleri men sýpermarketter tonalǵan, qala kóshelerinde jer-jerde tártipsizdikter jalǵasyp jatyr.
Ereýil saldarynan, keı derekterge qaraǵanda, 57 polıtseı zardap shegip, 180 adam ustalǵan.
