Chılıde taǵy da jer silkindi
ASTANA. Naýryzdyń 16-sy. QazAqparat - Dúısenbi kúni Chılıde kúshi 6,7 baldyq kezekti qatty jer silkinisi boldy.
AQSh-tyń Geologııalyq qyzmetiniń málimetteri boıynsha, zilzala kindigi Chılı elordasynyń ońtústigine qaraı shamamen 350 shaqyrymdaı qashyqtyqta tirkelgen. Soǵan qaramastan, jerasty dúmpýleri Santıagoda sezilgen. Jer silkinisiniń oshaǵy 34 shaqyrymdaı tereńdikte bolǵan. Qurban bolǵandar men men qıraýlar týraly ázirge eshqandaı derek joq, dep habarlaıdy Associated Press agenttigi.
Esterińizge sala keteıik, Chılıde aqpan aıynyń aıaǵynda bolǵan kúshi 8,9 baldyq jer silkinisiniń saldarynan, túrli málimetter boıynsha, 500 ben 800-diń aralyǵynda adam ómiri qıylǵan. Áli de júzdegen adam iz-túzssiz joǵalǵandar sanatynda.
Zilzaladan kelgen shyǵyndy el úkimeti 30 mıllıard dollarǵa baǵalap otyr, bul eldiń jalpy ishki óniminiń 10-15 paıyzyna teń. Odan keıin de elde birqatar jerasty dúmpýleri tirkelgenin aıta ketý kerek. Atap aıtqanda, naýryzdyń 11-inde jańa jer silkinisinen Rankagýa qalasy qatty zardap shekti.
