Chılıde shahterlerdi qutqarý operatsııasy aıaqtaldy
ASTANA. Qazannyń 14-i. QazAqparat - Búgin Chılıde - ulttyq mereke. Úlkendi-kishili qalalardyń turǵyndary San-Hosedegi shahtanyń astynda qalyp qoıǵan barlyq kenshilerdi qutqarý operatsııasynyń aıaqtalýyn atap ótýde.
Jer astynda qalyp qoıyp, 70 kún boıy tar qapasta tirshilik etken 33 shahterdiń sońǵysy búgin tańerteń jer betine shyǵaryldy, dep habarlaıdy «Maıak» radıosy.
Operatsııanyń sońǵy kezeńin Chılı Prezıdenti Sebastıan Pıneranyń ózi qadaǵalady. Ol qutqarylǵan kenshilerdi alǵashqylardyń biri bolyp quttyqtady jáne olarǵa amandyq tiledi. Prezıdenttiń aıtýynsha, bul shahtadaǵy apat barshaǵa sabaq bolýy kerek jáne ol kinálilerdiń laıyqty jazalaryn tartatynyn aıtyp, ýáde berdi.
Shahterlerdi qutqarý operatsııasynyń aıaqtalýymen chılılikterdi BUU Bas hatshysy Pan Gı Mýn quttyqtady. Qutqarylǵan kenshilerdiń barlyǵy derlik qazir aýrýhanada jatyr. Olardyń denderi saý, tek bireýi ǵana ókpe qabynýynan em qabyldaýda.
