Chılıde prezıdent saılaýynyń ekinshi týry bastaldy

ASTANA. KAZINFORM — Jeksenbide Chılıde prezıdent saılaýynyń ekinshi týryndaǵy daýys berý bastaldy. Memleket basshysy laýazymyna solshyl kúshter koalıtsııasynan úmitker Janett Hara jáne konservatıvtik respýblıkalyq partııanyń kandıdaty Hose Antonıo Kast talasyp otyr, dep jazady Sınhýa.

Chılı Saılaý komıssııasynyń málimetine sáıkes, daýys berý jergilikti ýaqytpen saǵat 08:00-de (Grınvıch ýaqytymen 11:00) bastalyp, sol kúni 18:00-de (Grınvıch ýaqytymen 21:00) aıaqtalady. Saılaýǵa 15 mıllıonnan astam tirkelgen saılaýshy qatysýǵa quqyly.

Ekinshi týrda eń kóp daýys jınaǵan kandıdat jeńiske jetedi. Saılanǵan prezıdent kelesi jyldyń 11 naýryzynda qyzmetine kirisedi.

16 qarashada ótken birinshi týrda úmitkerlerdiń eshqaısysy 50 paıyzdan astam daýys jınaı almaǵan. Sonyń nátıjesinde ekinshi týrǵa tıisinshe 26,85 paıyz jáne 23,92 paıyz daýys jınaǵan Janett Hara men Hose Antonıo Kast ótti.

Eki kandıdat ta saılaýaldy baǵdarlamalarynda áleýmettik qamsyzdandyrýdy jaqsartý, zańsyz kóshi-qon máselesin sheshý jáne saılaýshylardy alańdatatyn ózge de mańyzdy taqyryptarǵa basymdyq berip otyr.

Budan buryn Chılıde prezıdent saılaýynyń ekinshi týry ótetinin jazǵanbyz. Qazirgi memleket basshysy Gabrıel Borıch Konstıtýtsııaǵa sáıkes qatarynan ekinshi merzimge túse almady.