Chılıde orman órtenip jatyr, 24 adam qaza tapty
SANTЬıAGO. QazAqparat - Chılı úkimeti eldiń úsh ortalyq aımaǵyndaǵy aptap ystyqtan shyqqan orman órtterine baılanysty joǵary dabyl rejımin jarııalady.
Myńdaǵan órt sóndirýshi eldiń ońtústigin sharpyǵan órtti sóndirýmen aınalysyp jatyr, dep habarlaıdy QazAqparat BBC News agenttigine silteme jasap.
Chılıde ormannyń janyp jatqanynan bir aptadan asty, 24 adam qaza tapty. Órt saldarynan myńdaǵan adam baspanasyz qaldy.
Osy aptanyń qalǵan kúnderinde aýa temperatýrasy óte joǵary bolady degen boljam bar. Sonyń saldarynan Chılıdiń ózge de aımaqtarynda órt tutynýy múmkin degen qaýip bar.
Eldiń Іshki ister mınıstrliginiń orynbasary Manýel Monsalveniń málimdeýinshe, el aımaqtarynda aýa temperatýrasy 37 gradýstan asýy múmkin bolǵandyqtan, barlyq órt sóndirý brıgadalary tótenshe jaǵdaıǵa daıyn otyr.
Sıýble, Maýle, Bıobıo jáne Aýrakanııa aımaqtarynda 300 myń gektarǵa jýyq aýmaq órtendi. Órtten shyqqan tútin seısenbi kúni el astanasy Santıagony orap aldy.
300-den astam jalyn oshaǵyn sóndirýge 5 myńnan astam qutqarýshy kúsh salýda.
AQSh Chılıge kómektesý úshin 36 myń lıtr sý tasymaldaýǵa qabiletti DC-10 áýe tankerin jiberdi. Argentına, Meksıka jáne Ispanııa da órtpen kúresý úshin arnaıy daıyndalǵan qutqarýshylardy jóneltti.
Foto: www.aa.com.tr
