Chılıde oqýshylar men stýdentterdiń beıbit sherýi jappaı tártipsizdikke ulasty
ASTANA. QazAqparat - Chılı astanasy Santıago qalasyndaǵy oqýshylar men stýdentterdiń sherýi jappaı tártipsizdikke ulasty. Kem degende 17 adam qamaldy, dep habarlady ITAR-TASS.
Capaly, tegin bilimdi talap etken jastardyń beıbit sherýin betterin búrkegen bir top jastar kelip arandatqan. Olar jol belgilerin, baǵdarshamdardy qıratyp, tártip saqshylaryna tas atqan. Osydan keıin polıtsııa kúsh qoldanýǵa májbúr boldy.
Uıymdastyrýshylardyń aıtýynsha, sherýge tek Santıago qalasynan 80 000 adam shyqty. Beıbit shara eldiń basqa qalalarynda da uıymdastyrylǵan. Chılıdiń qazirgi prezıdenti Mıshel Bachelettiń saılaý kezindegi negizgi ýádesiniń biri osy oqý júıesin qalpyna keltirý bolatyn. Alaıda, qazirgi ýaqytta parlamenttiń tómengi palatasynda jeke mektepterdi memleketten qarjylandyrýdy toqtatý týraly zań jobasy qaralyp jatyr.
