Chılıde myńdaǵan oqýshy ereýilge shyqty
ASTANA. 16 maýsym. QazAqparat - Chılı astanasy Santıagoda bilim salasyndaǵy jaǵdaıdy jaqsartý talabymen chılılik oqýshylar narazylyq sharasyn ótkizdi.
Boljam boıynsha, sherýge 7 myńnan astam mektep oqýshysy qatysqan, dep habarlaıdy VESTI.ru.
ITAR-TASS- tyń habarlaýynsha, shákirtterdiń sherýi polıtsııa qyzmetkerlerimen qaqtyǵysqa ulasyp, sońǵysy jaǵdaıdy tynyshtandyrý úshin kózden jas shyǵarýshy gaz ben sýatqyshtar paıdalanǵan. Olarǵa jaýap retinde ashynǵan oqýshylar tas atqan. Nátıjesinde, kem degende on adam jaraqat aldy, olardyń arasynda úsh fototilshi bar.
Ótken aptadan beri júzden astam orta bilim berý mekemelerin bılikti óz qolyna alǵan oqýshylar basyp alǵan. Olar mektepterdiń memlekettiń qaramaǵyna qaıtarylyp, qoǵamdyq kólikterde jol júrý bıletteriniń jeńildetilgen baǵamen tek oqý jylyna ǵana emes, tolyq bir jyl boıy satylýyn talap etýde.
Sonymen qatar oqýshylar jergilikti bılikten 2010 jyldyń 27 aqpanyndaǵy tabıǵı apat saldarynan zardap shekken mektep ǵımarattaryna kúrdeli jóndeý jumystaryn júrgizip, jańa qural- jabdyqtarmen jabdyqtaýyn surap otyr.
