Chılıde mıllıondaǵan adam aýyzsýsyz qaldy
ASTANA. QazAqparat - Chılıde tolassyz jaýǵan jańbyrdan el astanasy Santıago mańyndaǵy sý qoımasyna quıatyn ózen sýy laılandy. Saldarynan bılik tórt mıllıon halyqqa beriletin aýyz sý berýdi toqtatý týraly sheshim qabyldady.
El bıligi Meıpo ózenindegi lastaný deńgeıi azaıǵan soń, sýmen qamtýdy qaıta qalpyna keltirýge ýáde etti.
Qala halqy bótelkege quıylǵan sýdan qor jınaýda. Meıramhanalar men kásip túrleri bılik buıryǵymen jabyldy.
Mektep oqýshylary da jańa toqsannyń basyna deıin sabaqtan bosatyldy.
Qutqarý qyzmetteri birqatar taýly aımaqtarda jaýyn-shashynnyń kóptiginen avtokólik qatynasynyń úzilgenin, kóptegen eldi mekenniń syrtqy álemnen tys qalǵanyn habarlady.
Santıago provıntsııasynyń gýbernatory Klaýdıo Ortegıdiń habarlaýynsha, shamamen bir jarym mıllıon úıdi sýmen qamtý toqtatyldy.
«Endi qashan aýyz sýdyń beriletinin bilmeımiz», - dedi Ortega.
Sý tasqyny men laı kóshkininen eń kemi tórt adam kóz jumdy.
Buǵan deıin Chılıdiń ortalyq aýdandary qurǵaqshylyq pen órtten zardap shekken edi.
