Chılıde qutqarylǵan shahterler dereý gospıtalge jetkizilýde
ASTANA. Qazannyń 13-i. QazAqparat - Chılıde apatty shahtada qalyp qoıǵan 33 kenshini jer ústine kóterý operatsııasy jalǵasýda.
Kenshiler 69 kún boıy jer astynda jatqanyn QazAqparat buǵan deıin habarlaǵan bolatyn. Dál qazirgi ýaqytta eki kenshi jer betine shyǵaryldy, dep habarlaıdy «Maıak» radıosy.
Kózderine qara kózildirik kıgizilgen shahterlar arnaıy kapsýlamen jer betine kóterilýde. Operatsııanyń barysyn mamandar baqylaýda. Jer betine kóterilgen kenshiler týystarymen jolyqqan soń, dereý dala gospıtaline jóneltilýde. Gospıtalde medıkter olardyń densaýlyqtaryn tekserýde.
Chılı Prezıdenti Sebastıan Pınerdiń jýrnalısterge habarlaýynsha, apatty shahtada áli kóp adam qalyp otyr jáne «qutqarý operatsııasy demalyssyz jalǵasa bermek».
