Chılıde ınkassatorǵa shabýyl jasalyp, 11 mln. dollar urlandy
ASTANA. QazAqparat - Chılıde qaraqshylar ınkassatorlar kóligine shabýyl jasap, 11 mln. dollar kóleminde aqshany tonap ketti, dep jazady ITAR-TASS jergilikti BAQ-qa silteme jasap.
Chılı tarıhyndaǵy eń iri aqsha tonaý oqıǵasy búgin Santıago áýejaıynda bolǵan. Qylmyskerler áýejaıdyń ruqsat arqyly ǵana kiretin júk tıeý aımaǵyna qaraý-jaraqpen kirip, ınkassartorlar ushaq bortyna aqsha tıegeli jatqanda shabýyldaǵan. Dereý iz sýytqan olar jolǵa shege tósenishterin laqtyryp, sońyna túsken qýǵynshylardy adastyryp ketken. Jeke fırmaǵa jatatyn ınkassatorlar áýejaı talaptary boıynsha júk aılaǵyna qarýsyz kirgendikten, qarsylyq tanyta almaǵan. Urylardyń qarý jaraqtary ǵana emes, sol aımaqqa kiretin arnaıy ruqsat qaǵazdary da bolǵan. Osyǵan baılanysty eldiń Іshki ister mınıstri Rodrıgo Penıaılılo bul uıymdasqan qylmystyq toptyń áreketi bolýy múmkin dep málimdeme jasady.
Polıtsııa tergeý amaldary men izdeý jumystaryn júrgizip jatyr.
