Chılıde dınozavr qaldyqtary jerlengen iri qorym tabyldy
ASTANA. QazAqparat - Chılıde muzdyqtar arasynan dınozavr qaldyqtary jerlengen iri qorym tabyldy. Bul týraly Jaratylystaný tarıhy ulttyq murajaıynyń ǵalymy Krıstıan Salasar aıtty, dep habarlady ITAR-TASS.
Chılılik paleontologtar eldiń ońtústigindegi «Torres-del-Paıne» Ulttyq saıabaǵy aýmaǵyna júrgizgen alǵashqy ekspedıtsııa barysynda 46 ıhtıozavr jerlengen qorymǵa tap bolǵan. Olardyń barlyǵy da búgingi kúnge deıin óte jaqsy saqtalǵan.
«Bul tarıhtaǵy, ıaǵnı, búgingi kúnge deıingi belgili ıhtıozavrlar jerlengen iri qorymnyń biri bolyp otyr», - dedi Krıstıan Salasar.
Ǵalymdar ıhtıozavrlar qańqasynan bólek osydan 99 mln. jyl buryn joǵalyp ketken jınozavrlar dáýirindegi iri teńiz reptılııasynan, jyrtqyshtardyń taǵy bir túrin tapqan.
«Olardy plezıozavrlarǵa jatqyzýǵa bolady. Degenmen biz bul jerlerden olardyń tirshilik izderin baıqamadyq. Degenmen, kelesi saparymyzda biz olardyń qaldyqtaryn tabatyndyǵymyzǵa senimdimiz», - deıdi ǵalym.
