Chılıde aýa raıynyń qolaısyzdyǵynan bes týrıst qaza tapty

ASTANA. KAZINFORM — Chılıdegi áıgili Torres-del-Paıne ulttyq saıabaǵynda aýa raıynyń kúrt nasharlaýynan 5 týrıst qaza tapty, dep habarlaıdy Report.

— Іz-túzsiz joǵalǵandar tiziminde turǵan 7 adamnyń 4-ýi tiri ekeni rastaldy. Al úsheýi mert boldy. Olar Ulybrıtanııanyń jáne Germanııanyń eki azamaty, — delingen habarlamada.

Tabıǵı apattan qaza tapqan qalǵan eki adam Meksıkadan kelgen týrıster.

Qaıǵyly oqıǵa ulttyq parktiń aınalmaly baǵytynda oryn aldy. Aldyńǵy kúni bul aımaqqa qar jaýyp, jeldiń ekpini kúsheıgen. Jaıaý júrginshiler daýylǵa tap bolǵan. Іzdestirý jumystaryna qalyń qar men qatty jel kedergi keltirdi.

Qaýipsizdik maqsatynda saıabaqtyń bir bóligi ýaqytsha jabyldy.

Aıta keteıik, Ystanbulda týrısterdiń qazasynan keıin qonaq úı jabylǵan bolatyn.