Chılıde Áskerı-Áýe kúshteriniń ushaǵy apatqa ushyrady, 20-dan astam adam qaza boldy
ASTANA. 3 qyrkúıek. QazAqparat - Chılıde eldiń Áskerı-Áýe kúshteriniń ushaǵy apatqa ushyraýy saldarynan 21 adam qaza boldy,
dep habarlady RBK.
Oqıǵa eldiń Tynyq muhıt jaǵalaýyna jaqyn jerdegi Hýan-Fernandes araldary mańynda boldy, dep habarlady Associated Press polıtsııaǵa silteme jasap. Ushaq bortynda tanymal telejúrgizýshi Felıpe Kamırýga bolǵan.
Quqyq qorǵaý qyzmetkerleriniń málimetterine qaraǵanda, ushaq araldardyń birindegi áýejaıǵa qonýǵa tyrysqanymen, sátsizdikke ushyraǵan.
Apat sebebi ázirge belgisiz. Tergeý amaldary júrgizilip jatyr.
