Chılıde alapat tasqynnan 10 adam iz-túzsiz joǵalyp ketti
ASTANA. QazAqparat - Chılı úkimeti iri tasqynǵa baılanysty Atakama aımaǵynda tótenshe jaǵdaı jarııalady. Bul óńir negizi shóldi jerge jatady.
Alapat tasqynǵa 24 naýryzdan beri tolassyz quıǵan nóser jańbyr sebep bolǵan. Tabıǵı apat saldarynan 10 adam iz-túzsiz joǵalyp ketken. Úlken sý elektr jelilerin úzip, tasjoldar men eldi mekenderdegi kóshelerdi shaıǵan. Qazir 80 myńdaı adam jaryqsyz otyr.
«Ózen jaǵasynda turatyn turǵyndar tikushaqtardyń kómegimen qaýipsiz jaqqa kóshirilýde. Olardy qutqarý jumysyna sarbazdar tartylǵan. Biraq keıbir adamdar úılerin tastap shyǵýdan bas tartyp otyr», - deıdi bılik ókilderi.
El prezıdenti Mıshel Bachelet tabıǵı apat aımaǵyna arnaıy keledi dep josparlanýda, dep jazady 24.kz.
