Chılıde 51 kólik soqtyǵysqan: 20 adam zardap shegip, bes adam qaza tapty
ASTANA. 13 qazan. QazAqparat - Chılıdegi tuman 51 kólikttiń soqtyǵysýyna sebep bolǵan.
Associated Press agenttigine silteme jasaı otyryp, RBK agenttiginiń habarlaǵynyndaı, apat saldarynan kem degende 20 adam zardap shegip, bes adam qaza tapty.
Oqıǵa el astanasy Santıago men Valparaıso qalasynyń ortasyndaǵy magıstral jolynda bolǵan.
Kýágerlerdiń aıtýynsha, tumannan joldaǵy 10 metr qashyqtyq áreń kóringen. Jolda kele jatqan kóliktiń biri tejegishti qatty basyp, aıaq astynan toqtap qalǵan. Sonyń saldarynan onyń artynda kele jatqan 23 júk kóligi, 11 avtobýs pen 17 jeńil kólik soqtyǵysqan.
Oqıǵa ornyna Chılıdiń kólik mınıstri Pedro Errazýrıs kelip, jol qozǵalysyn qalpyna keltirýdi baqylaýǵa alǵan.
Qolda bar málimetterge júginsek, zardap shekkenderdiń barlyǵy jaqyn mańdaǵy medıtsına mekemelerine jetkizildi. Eldiń densaýlyq saqtaý mınıstri zardap shekkenderge kómek berýdi jeke tekserýde. Qaza tapqandardyń sany artýy da múmkin.
