Chılıde 3000 adam 120 saǵat boıy fýtbol oınaıdy
ASTANA. QazAqparat - Chılıde eń uzaq fýtbol oıyny boıynsha rekord jasalýy múmkin. Ol úshin el astanasyndaǵy «Florıda» stadıonyna 3 myńdaı adam jıylǵan. Arasynda kásipqoı sportshylarmen qatar áýesqoı oıynshylar da bar, dep habarlaıdy 24.kz.
Jospar boıynsha olar 120 saǵat boıy tynymsyz dop tebýi tıis. Árbir qatysýshynyń alańda kem degende bir saǵat oınaýy shart. Jalpy, buǵan deıin eń uzaq fýtbol kezdesýin shotlandııalyqtar ótkizgen edi. Olar 105 saǵat boıy úzilissiz dop teýip, ótken jyly Gınness rekordtar kitabyna engen bolatyn.
«Bul keremet ıdeıa emes pe? Áýesqoı oıynshylarǵa kásipqoı fýtbolshylarmen bir alańda oınaýǵa múmkindik týyp otyr. Kezdesýdi sońyna deıin jetkizemiz degen úmitimiz bar», - deıdi Chılı fýtbol quramasynyń qaqpashysy Krıstofer Tosellı.
Al jergilikti turǵyndardyń biri Alvaro Valensýelo: «Biz úshin bul úlken tájirıbe bolǵaly tur. Bolashaqta osyndaı bastamalar kóp bolsa eken», - deıdi.
