Chılı jaǵalaýynda bolǵan kúshti jer silkinisinen eki eldiń turǵyndaryn qaýipsiz jerge kóshirý jarııalandy
ASTANA. QazAqparat - Kúshi 8 baldyq jer silkinisi sársenbige qaraǵan túni Chılıdiń Tynyq muhıty jaǵalaýynda boldy. Tsýnamı bolýy múmkin degen qaýip Ońtústik Amerıkanyń búkil Tynyq muhıty jaǵalaýynda jarııalandy, dep habarlady RIA Novostı.
Bul týraly AQSh-tyń geologııalyq qyzmetiniń saıty habarlaǵan.
Jer asty dúmpýi jergilikti ýaqyt boıynsha seısenbi kúni 18:46 kezinde tirkelgen. Onyń oshaǵy Tynyq muhıtynda Chılıdiń Ikıke qalasynan soltústik-batysqa qaraı 83 shaqyrym jerde ornalasqan. Qalada 220 myńnan astam turǵyn bar. Jer silkinisiniń oshaǵy 10 shaqyrym tereńdikte ornalasqan.
Ońtústik Amerıkanyń jaǵalaýyndaǵy tsýnamı Chılı men Perýge qaýip tóndirip otyr.
Chılı men Perý bıligi elderdiń jaǵalaýǵa jaqyn aýdandarynyń birqatarynan halyqty kóshirý kerektigin jarııalady.
Jer silkinisi saldarynan qaza bolǵandar men qırandylar jaıly habar joq.
2010 jyly aqpan aıynyń sońynda Chılıde terbelisi 8,8 jer silkinisi saldarynan bolǵan tsýnamıden 500-den astam adam mert boldy.
Chılı arqyly Tynyq muhıtynyń uzyndyǵy 40 myń shaqyrym bolatyn výlkandar men tektonıkalyq jarylymdary ótedi. Ol Tynyq muhıtty beldeý arqyly Ońtústik jáne Soltústik Amerıka jaǵalaýlarynan Alıaskanyń ońtústik bóligine deıin, odan ári Japonııa, Fılıppın jáne Indonezııaǵa qaraı burylyp, Jańa Zelandııa, Jańa Gvıneıa men ońtústik-batys Okeanııa aımaǵynda aıaqtalady. Jer sharyndaǵy jer silkinisteriniń 90 paıyzy osynda bolady.
