Chılı stýdentteri eki kún qatarynan ereýildetip jatyr

El astanasy Santıagoda jastar tárip saqshylaryna tas pen janǵysh suıyqtyǵy bar shólmek laqtyryp, táripsizdikter jasaǵan. Qaqtyǵystarda 7 polıtseı jaralanyp, 54 stýdent tutqynǵa alyndy. Ashýǵa erik bergen jurt kóshelerdegi qoqys jáshikterin órtep, elektr symdaryn úzgen. Quqyq qorǵaýshylar narazy topty taratpaq bolyp, olarǵa sý shashyp, kóz jasaýratatyn gaz qoldanýǵa májbúr boldy. Stýdentter bilim salasynda aýqymdy reformalar jasaýdy talap etip otyr. Sońǵy kelip túsken derekterge qaraǵanda, qazir el aýmaǵynda kóptegen joǵarǵy oqý oryndary men mektepter jabyq tur, dep habarlaıdy 24.kz.