Chılı shahterlerin qutqarý 20 mıllıon dollarǵa tústi
ASTANA. Qazannyń 14-i. QazAqparat - Apatqa ushyraǵan chılılik 33 shahterdi qutqarý jónindegi jumystar aldyn ala eseptelgen málimetter boıynsha 10-nan 20 mıllıon dollarǵa deıin shyǵyndy qurap otyr,
dep jazady Vestı. Rý.
Chılı Prezıdenti Sebastıan Pınera qutqarý jumystary aıaqtalǵanan keıin "árbir pesonyń quny bar edi jáne ol bul joly óte durys jumsaldy", - dep atap kórsetti. Sondaı-aq, ol osy jumsalǵan qarajattyń úshten biri jekemenshik kompanııalardan erikti túrde jınalǵan qarjysy ekenin de tilge tıek etti. Qalǵan qarajat Chılı úkimeti men Ulttyq mys korporatsııasynyń esebinen jabylyp otyr.
Chılı Prezıdenti 700 metr jer astynda 70 táýlik shahtanyń tar qapasynda otyrǵan 33 kenshiniń erlikterin de tańdana áńgimeledi. Onyń aıtýynsha, bul adamzat tarıhyndaǵy el azamattarynyń birligin, joldastyǵyn, adamgershiligin jáne senim men úmitin bildiretin eń úzdik mysal bola alady.
