Chılı prezıdenti tabıǵatty saqtaýdyń tórt jolyn usyndy
«Adam – sanaoy jaratylys, alaıda ol óz planetasyn joıyp jibere alady. Osy qaıshylyqty bizder retteýimiz kerek. Klımat ózgerip jatyr, ol dáleldengen. Áńgime oǵan sený jáne senbeýde emes. Bul tek bıologııa ǵana emes, ǵylymı negizdegi másele. Sondyqtan bizderge ǵalymdardyń aıtqanyna qulaq túrýge týra keledi», - dedi Sebastıan Pınera BUU Bas Assambleıasynyń 74-sessııasynda.
Onyń aıtýynsha, sońǵy bes jylda aýa raıy óte ystyq bolǵan. Muny barlyq kórsetkishter anyq kórsetti.
«Sondyqtan bizdiń jumysymyzdy ózgertý kerek ekendigine shúbá joq. Tabıǵattyń janaıqaıyna qulaq túrip ony qorǵaýymyz kerek. Planetamyz jáne tabıǵatymyz bizsiz de ómir súre alady, alaıd biz olarsyz quryp ketemiz. Qazir sońǵy 800 jyldaǵy eń joǵarǵy parnık gazdary men eń ystyq temperatýra tirkelip otyr. Bizde eki jol ǵana bar, ary qaraı ne bolaryn kútý, nemese osy baǵytymyzdy ózgertý, osyny baıaǵyda qolǵa alýǵa tıis edik», - dep atap ótti Chılı prezıdenti.
Ol adamzattyń keri yqpalynan tabıǵatty qorǵap qalýdyń tórt jolyn atady.
«Bizdiń aldymyzda eki jol bar, tabıǵatqa áser etetin saldardy barynsha jeńildetý jáne soǵan kóndigý. Biz alǵa jyljý úshin, birinshi energııa óndirýde kómirsýtekten tolyǵymen bas tartýǵa tıispiz. Ekinshi - qoǵamdyq kólikti reformalaý arqyly elektrkólikterge aýysý. Úshinshiden barlyq sektorda energııalyq tıimdilikti saqtaý. Tótrinshiden ormandardy jappaı qalpyna keltirý qajet», - dedi S. Pınera.
«Chılı ormany bar álemdegi eldiń biri, alaıda onyń kólemi azaımaǵan. Sonymen qatar, biz bir rettik qoldanylatyn zattardan bas tartýymyz kerek, bizde qaldyqty qaıta-qaıta paıdalanatyn tsırkýlıatsııa ekonomıkasy bolýy tıis. Chılı osy jolmen kele jatyr. Bul tabıǵatty qorǵaýdan aınymastyq qana emes, bir-birimizge degen durys qarym-qatynastan aınymastyq», - dedi ol.
Nıý-Iork qalasynda ótip jatqan BUU Bas Assambleıasynyń 74-sessııasynda kóterilgen basty taqyryptardyń biri adamzattyń jahan klımatyna negatıvti áserimen kures máselesin talqylaý boldy.
Eske sala keteıik, Memleket basshysy Qasym-Jomart Toqaev Amerıka Qurama shtattaryna jumys saparymen bardy.
Buǵan deıin habarlanǵandaı, Memleket basshysy Bas Assambleıanyń Jalpy pikirsaıysynda baıandama jasaıdy. Bıyl atalǵan pikirsaıys «Kedeılikti joıý, sapaly bilim berýdi jáne klımatty saqtaý is-qımyldary men jan-jaqty tásilderdi ilgeriletý úshin kópjaqty kúsh-jigerdi shoǵyrlandyrý» taqyrybynda ótedi
QR Prezıdenti Nıý-Iorkte ótetin Birikken ulttar uıymy Bas Assambleıasynyń 74-sessııasyna qatysady. Sapar 5 kúnge jalǵasady dep josparlanyp otyr. Onyń aıasynda kóptegen shet memleketterdiń basshylarymen ekijaqty kezdesýler ótedi.
Odan bólek Qasym-Jomart Toqaevtyń BUU-nyń Bas hatshysy Antonıý Gýterrıshpen, birqatar memleket jáne Úkimet basshylarymen, halyqaralyq uıym jetekshilerimen, amerıkalyq bıznes, transulttyq kompanııa ókilderimen, AQSh-tyń saıası ári sarapshy top múshelerimen kezdesýi josparlanǵan.
Aıta keteıik, Prezıdenttiń AQSh-qa kelýi qarsańynda amerıkalyq bedeldi basylym «The Hill» gazetinde onyń maqalasy jaryq kórdi.
Birikken ulttar uıymy Bas Assambleıasynyń 74-sessııasy 17 qyrkúıekte bastaldy.
Avtory Azamat Syzdyqbaev
