Chılı Maık Taısondy el aýmaǵyna kirgizbeı qoıdy
ASTANA. QazAqparat - Álemge áıgili boksshy Maık Taıson zań buzýshylyq jasaǵany úshin 9 qarasha kúni Chılıge kirgizilmedi. Bul jaıly Reıter agenttigi habarlaıdy.
«Halyqaralyq polıtsııa detektıvteri Maık Taısondy sheteldikterdiń elde bolýy jónindegi zańnamany saqtamaǵany úshin qaıtaryp jiberdi», - delingen Chılı polıtsııasynyń Týıtterdegi resmı paraqshasynda.
Polıtsııa áıgili boksshyǵa qatysty zańnyń dál qaı baptary qoldanylǵanyn málimdegen joq.
Jergilikti BAQ-tyń habarlaryna qaraǵanda, sýperaýyr salmaqtaǵy burynǵy álem chempıony Chılı astanasy Santıagoda ótip jatqan jaýyngerlik fılmder festıvaliniń marapattaý rásimine qatysý úshin barǵan.
Taıson 1992 jyly zorlaý faktisi boıynsha alty jyldyq bas bostandyǵynan aıyrý jazasyna kesilip, úsh jylyn ótep shyqqan bolatyn. 2007 jyly oǵan esirtki daýyna baılanysty 24 saǵattyq qamaý jáne 3 jyldyq synaq merzimin óteý jazasy berilgen. Budan tys, 2012 jyly Jańa Zelandııa da Taısonnyń elge kirýine ruqsat beretin vızany toqtatqan. Chılı zańnamasyna sáıkes, memleket óz elinde osyndaı qylmystar jasaǵan shetel azamattarynyń elge kirýine tyıym salýǵa quqyly.
