Chılı Qazaqstandy álem qaýymdastyǵynda erekshe orynǵa ıe ári básekege qabiletti el retinde tanıdy - E. Mýnos

ASTANA. QazAqparat - Respýblıkasynyń Brazılııa Federatıvtik Respýblıkasyndaǵy Elshisi jáne Argentına Respýblıkasy men Chılı Respýblıkasynda qosa atqarýshy Elshi Baqytjan Ordabaev Chılı Syrtqy ister mınıstri Eraldo Mýnospen Santıago qalasynda kezdesti.

Bul týraly QR SІM baspasóz qyzmetinen habarlady.

B. Ordabaev E. Mýnosti Qazaqstannyń qazirgi áleýmettik-ekonomıkalyq jáne qoǵamdyq-saıası jaǵdaıymen, Qazaqstan Respýblıkasy Prezıdenti N. Nazarbaevtyń «Nurly jol - bolashaqqa bastar jol» joldaýynyń negizgi qaǵıdalarymen tanystyryp, 26 sáýirde Qazaqstanda ótetin kezekten tys prezıdenttik saılaýy sekildi mańyzdy ishki saıası sharalar týraly habardar etti.

«Kúrdeli kezeńde eldiń áleýmettik-ekonomıkalyq máselelerin sheshýdi kózdegen bul qujattyń ózektiligi men ýaqtylyǵy aıqyn. Chılı Qazaqstandy álem qaýymdastyǵynda erekshe orynǵa ıe qazirgi zamanǵa saı ári básekege qabiletti el retinde tanıdy»,- dedi E. Mýnos.

Taraptar sonymen qatar, ekijaqty yntymaqtastyq máselelerin talqylady. QR syrtqy saıasatynyń basym baǵyttary, sonyń ishinde 2017-2018 jj. BUU QK turaqty emes múshesi bolýyna Qazaqstan kandıdatýrasyn qoldaý máselesi kóterildi. E. Mýnos Chılıdiń Qazaqstanmen belsendi yntymaqtasýǵa nıetin bildirip, áriptesi Qazaqstan Respýblıkasynyń Syrtqy ister mınıstri E. Ydyrysovqa izgi tilekterin joldady.

Qazaqstandyq dıplomat Chılı mınıstrin Qazaqstanda bıyl josparlanǵan Qazaqstan halqy Assambleıasynyń 20 jyldyǵy, QR Konstıtýtsııasynyń 20 jyldyǵy, Qazaq handyǵynyń 550 jyldyǵy, Astanada ótetin Álemdik jáne dástúrli dinder kóshbasshylarynyń V Sezi sekildi ózge mańyzdy sharalar týraly habardar etti.