Chılı qalyń qardyń astynda qaldy
ASTANA. QazAqparat - Chılı astanasy Santıago qalasynda qar jaýyp, 250 myńǵa jýyq adam jaryqsyz qaldy. Bul týraly «Bı-bı-sı» telearnasy habarlady.
Tabıǵattyń tosyn minezinen bir adamnyń qaza bolǵany aıtylýda. Jumysshy muzdy tazalamaq bolyp, dalaǵa shyqqan. Taǵy eki turǵyn elektr taratý jelileriniń zaqymdanýy saldarynan zardap shekti.
Meteorologtardyń aıtýynsha, bul 2007 jyldan bergi Santıagodaǵy «eń aýyr» qar basý jaǵdaıy.
Telekanal qala kóshelerine shyqqan myńdaǵan balanyń aqqala jasap, qar atysyp oınaǵanyn kórsetýde.
