Chılı buryn sońdy bolmaǵan alapat órtterdi sóndire almaı jatyr
ASTANA. QazAqparat - Chılıde el tarıhynda bolmaǵan eń joıqyn orman órtteri basylmaı tur, dep habarlaıdy Bı-Bı-Sı agenttigi.
Qazir tilsiz jaýdan shamamen 200 myń sharshy shaqyrym orman zardap shekti.
Jergilikti bılik kishigirim Santa-Olga qalashyǵynyń tolyq joıylǵanyn habarlady. Ondaǵy tórt myńdaı turǵyn túgelge jýyq baspanasyz qaldy.
Chılıge osy baǵatta halyqaralyq kómek áli de kelip jatyr. Birneshe memleket qutqarýshylar jasaǵy men tehnıkalaryn jiberýde.
Reseı Il-76 órt sóndirý ushaǵyn jiberdi. Áýe kemesi bir mezette 42 tonna sý shasha alady.
Sonymen qatar AQSh-ta álemdegi eń úlken órt sóndiretin ushaǵyn Chılıge attandyrdy. 25 qańtarda kelip jetken Boeing 747 basqa ushaqtarǵa qaraǵanda 22 ese kóp sý alyp usha alady.
