Chıkagodaǵy kóp qabatty úıde bolǵan órt saldarynan 5 adam zardap shekti
ASTANA. QazAqparat - Chıkago qalasyndaǵy (Illınoıs shtaty) tanymal kóp qabatty ǵımarattyń 50-shi qabatynda bolǵan órt saldarynan buryn habarlanǵandaı, bir adam emes, bes adam zardap shekti. Bul aqparatty qaladaǵy Órtke qarsy qyzmet basqarmasy taratty, dep jazady TASS.
Onyń málimetterinshe, zardap shekken úsh adamnyń jaǵdaı «turaqty qanaǵattanarlyq». Taǵy ekeýi medıtsınalyq kómek kórsetilgen soń ózderin jaqsy sezinýde.
Órt tútini jergilikti ýaqyt boıynsha saǵat 14:30 shamasynda Djon Henkok ortalyǵynyń soltústik-shyǵys buryshynda baıqaldy. Jalyn 45 mınýttan keıin sóndirildi. Qazirgi kezde órt sóndirýshiler jeldetý júıesin tekserýdi aıaqtap, jabyq ǵımarattaǵy tútindi joıyp tastady.
Aldyn ala qarap shyǵý qorytyndylary boıynsha qasaqana órteý nusqasy joqqa shyǵaryldy. Jalyn paıda bolǵan páterdiń syrtyna taralǵan joq. Ǵımarat ishten jandy, kórshi páterlerdiń turǵyndaryna qabattaǵy jalpy jóndeý kezinde ýaqytsha baspana usynyldy.
Oqıǵa kezinde polıtsııaǵa Mıchıgan-avenıýdegi jerdegi kólik qozǵalysyn ýaqytsha jabýǵa týra keldi.
Djon Henkok ortalyǵy - Chıkagonyń kórikti jerleriniń biri. Bıiktigi 344 metr ǵımarattyń 100 qabaty bar, ol 1968 jyldyń mamyr aıynda salynǵan. Sol kezde ol Nıý-Iorktegi bıik ǵımarattardy esepke almaǵanda álemdegi eń bıik ǵımarat bolyp tanyldy. Qazirgi kezde bıiktigi boıynsha Chıkagoda tórtinshi jáne AQSh-ta jetinshi orynda tur.
