Chıkagoda shyrsha jaǵý rásiminde atys bolyp, jeti adam jaralandy
ASTANA. KAZINFORM — AQSh-tyń Chıkago qalasynyń ortalyǵynda rojdestvolyq shyrshany jaǵý rásiminen keıin bolǵan atys saldarynan keminde jeti adam jaraqat aldy, dep habarlaıdy BELTA.
Jergilikti bılik ókilderiniń aıtýynsha, zardap shekkenderdiń barlyǵyna oqıǵa ornynda medıtsınalyq kómek kórsetilip, keıin aýrýhanaǵa jetkizildi.
Qazirgi ýaqytta polıtsııa oqıǵanyń mán-jaıyn anyqtap jatyr.
Budan bólek, ABC News málimetinshe, Soltústik Karolına shtatyna qarasty Konkord qalasynda da jyl saıynǵy rojdestvolyq shyrshany jaǵý rásimi kezinde atys bolyp, tórt adam jaralandy. Zardap shekkender aýrýhanaǵa jetkizilgen, olardyń úsheýiniń jaǵdaıy aýyr kórinedi.
Eske salsaq, Aýstrııanyń Grats qalasyndaǵy orta mektepke qarýly shabýyl jasaldy. Ókinishke qaraı 10 adam, onyń ishinde shabýyl jasaýshynyń ózi de, qaza taýyp, 12 adam jaralandy.
Budan buryn Buǵan deıin Túrkistan oblysynda otbasylyq janjal atyspen aıaqtalǵany habarlanǵan bolatyn.