Chıkagoda metro poıyzy relsten shyǵyp ketti
ASTANA. QazAqparat - Chıkago metropolıteniniń «kók» jeli quramy O'Hara halyqaralyq áýejaıyna jete beriste relsten shyǵyp ketti, dep habarlady sheteldik BAQ.
Polıtsııa aqparatyna qaraǵanda, oqıǵa máskeý ýaqyty boıynsha shamamen 11:50-de oryn alǵan. Al bul kez Amerıkada tún ortasy. Sońǵy stansaǵa jaqyndap qalǵan poıyz relsten shyǵyp ketip, qatty jyldamdyqpen tuǵyrnamadan asyp ótip baryp eskalatorǵa soǵylǵan. Keminde 32 adamnyń zardap shekendigi jaıynda derek bar. Qaza tapqandardyń bar-joǵy belgisiz.
Qazirgi ýaqytta mamandar oqıǵanyń shyǵý sebebin anyqtaýda. Aldyn ala málimetterge qaraǵanda, jeti vagonnan turatyn quram óte qatty jyldamdyqpen júrgendikten sońǵy stansada toqtaı almaı qalǵan.
