Chıkago áýejaıynda qasaqana ot qoıýdyń saldarynan 800 reıs keıinge qaldyryldy
ASTANA. QazAqparat - Áýe kompanııasynyń burynǵy qyzmetkeriniń órt qoıyp, sońynan ózin-ózi óltirmekke árekettenýi saldarynan Chıkagodaǵy eki áýejaıda birneshe júz reıs keıinge shegerildi, dep habarlaıdy CNN.
Atap aıtqanda, "O'Hara" áýejaıynda 660-tan astam, "Mıdveı" áýejaıynda 120 reıs keıinge qaldyryldy. Ot qoıǵan qyzmetker ofısten tabyldy.
Polıtsııanyń málimetterinshe, kelisimshart boıynsha nysannyń birinde jumys istegen Braıan Hovard ádeıi ot qoıǵan. Aldyn ala boljamǵa qaraǵanda, Hovard ómirden baz keshken.
Kýágerdiń aıtýynsha, ol órt bolar aldynda jalańashtanǵan Hovardtyń tamaǵyn kespekke árekettengenin kórgen.
Kúdikti qazir aýdandyq aýrýhanada jatyr. Onyń qandaı jaǵdaıda ekendigi belgisiz. Eger Hovardtyń kinási dáleldense, 20 jylyn temir tordyń ar jaǵynda ótkizýi múmkin.
