Chia Tai Tianqing pıramıdasyn qurǵan kúdikti Qytaı azamaty elden qashyp ketti
Agenttiktiń 17 aýmaqtyq departamenti qarjy pıramıdasyn qurý jáne basqarý faktisi boıynsha 17 qylmystyq isti tergep jatyr.
Olar 2022 jyldyń shildesinen beri jumys istep keledi jáne farmatsevtıkalyq zaýyt qurylysyna ınvestıtsııa salý, sondaı-aq taǵamdyq qospalar men basqa da dári-dármekti damytýǵa ınvestıtsııa salý jeleýimen ınvestorlardan qarajat tartyp keledi.
«Chia Tai Tianqing» Qazaqstanda zańdy tulǵa retinde tirkelmegen.
Boljam boıynsha, qarjy pıramıdasynyń uıymdastyrýshysy - Qazaqstan aýmaǵynan ketip qalǵan Qytaı azamaty.
Almaty qalasynyń aýmaǵynda Qazaqstannyń úsh azamaty kompanııanyń zańsyz qyzmetin nasıhattaýmen aınalyqan.
Olardyń jeke basy anyqtaldy. Olar ınvestorlarǵa kompanııaǵa salynǵan ınvestıtsııadan joǵary qaıtarym alýǵa ýáde bergen.
Jańa salymshylardy tartqan jaǵdaıda 10% kóleminde syıaqy berýdi ýáde etken.
Salymshylarǵa qarajattyń qabyldanǵanyn rastaıtyn qujat berilmeıdi, kelisimshart jasalmaıdy.
Kompanııanyń jumysy jasyrylǵan, Qytaıdyń belgili «Chia Tai Tianqing» kompanııasynyń logotıpi qoldanylǵan, al olardyń qytaılyq kompanııanyń qyzmetine eshqandaı qatysy joq.
Bul kompanııaǵa tartylǵan qarajat kólemi, aldyn ala málimet boıynsha, 7 mlrd teńgeden asady.
Ótken aptada Almaty qalasy departamentine jábirlenýshilerden atalǵan tulǵalardy qylmystyq jaýapkershilikke tartý týraly 200-den astam ótinish kelip túsken.
Qarjy pıramıdasyn uıymdastyrýǵa kúdikti úsh jetekshiniń ekeýi ýaqytsha ustaý ızolıatoryna qamaldy.
