«Chhonan» korvetiniń tóńiregindegi shıelenisti jumsartý qajet - Ven Tszıabao
ASTANA. Mamyrdyń 31-i. QazAqparat -Soltústik-Shyǵys Azııa elderi, óńirdegi kúrdeli jaǵdaıdy jumsartý jáne «Chhonan» ońtústikkoreılik korvetiniń apatyna qatysty oqıǵanyń saldarynan qaqtyǵystarǵa jol bermeý úshin, birlesip áreket etýleri kerek.
Bul týraly jeksenbi kúni Qytaı Memlekettik keńesiniń premeri Ven Tszıabao Chedjýdo aralynda Koreıa Respýblıkasynyń prezıdenti Lı Men Bakpen jáne Japonııa premeri ıÝkıo Hatoıamamen bolǵan kezdesýden keıingi birlesken baspasóz máslıhatynda málim etti.
«Qazirgi tańdaǵy eń ózekti mindet -«Chhonan» korvetimen baılanysty oqıǵadan keıin týyndap otyrǵan kúrdeli jaǵdaıdy jumsartý jáne qaqtyǵysqa jol bermeý bolýy kerek», dedi Qytaı premeri óz sózinde. Ven Tszıabao sondaı-aq, «Soltústik-Shyǵys Azııa elderi óńirde tynyshtyq pen turaqtylyqty qamtamasyz etýge talpynýy kerek ekenin» jetkizdi.
Ońtústikkoreılik «Chhonan» korveti naýryzdyń 26-synda Sary teńizde sýǵa batyp ketken bolatyn. Oqıǵa saldarynan 46 teńizshi opat boldy. Halyqaralyq tekserý komıssııasy, qaıǵyly oqıǵa Soltústik Koreıanyń súńgýir qaıyǵynan jiberilgen torpedanyń saldarynan oryn aldy, degen qorytyndyǵa kelse, Phenıan bul oqıǵaǵa óziniń qatysy joq ekenin úzildi-kesildi málim etýde.
