Chevron Qazaqstan ekonomıkasyna 250 mln dollar ınvestıtsııa salady

NUR-SULTAN. QazAqparat – Energetıka mınıstri Nurlan Noǵaev el aldyndaǵy eseptik kezdesýinde Chevron kompanııasy qurǵan tikeleı ınvestıtsııalyq qordyń kólemin atady, dep habarlaıdy QazAqparat.

«2020 jyldyń qorytyndysy boıynsha jer qoınaýyn paıdalanýshylar 5,4 trln teńgege taýarlar satyp alyp, qyzmetter kórsetip, jumys istegen. Sonyń 46 paıyzy – qazaqstandyq qamtý. 5,4 trln teńgeniń 78 paıyzy «Teńizshevroıl», «Qashaǵan» jáne «Qarashyǵanaq» kompanııalaryna tıesili. 15 paıyzy «Samuryq Qazyna» júıesindegi «QazMunaıgaz», KEGOC sııaqty kompanııalarǵa, qalǵan 7 paıyzy basqa kompanııalarǵa tıesili», - dedi mınıstr ortalyq kommýnıkatsııalar qyzmetinde.

Vedomstvo basshysy atalǵan baǵyttaǵy sharalardy ary qaraı jalǵastyrý úshin Chevron kompanııasymen naqty kelisim jasalǵanyn eske saldy.

«Chevron kompanııasymen ózine alǵan mindeti boıynsha tikeleı ınvesttsııalyq qor uıymdastyrý jónindegi máselelermen aınalysyp kele jatyrmyz. Tikeleı ınvestıtsııalyq qorlar, ıaǵnı, 250 mln dollar birinshi kezekte aqparattyq tehnologııalardy damytýǵa, ekologııalyq máselelerdi sheshýge jáne qazaqstandyq ónerkásipti damytýǵa jáne qoldaýǵa jumsalady. Bul másele qazir belsendi júrip jatyr», - dedi Energetıka mınıstri.