Chevrolet Niva jol talǵamaıtyn kóligi Qostanaıda jınalatyn bolady
QOSTANAI. QazAqparat - «SaryarqaAvtoProm» qostanaılyq kásiporny Chevrolet Niva markaly jol talǵamaıtyn kóligin óndirýdi bastady, dep habarlaıdy «QazAqparat» HAA tilshisi «GM-Avtovaz» kompanııasynyń baspasóz qyzmetine silteme jasap.
Avtomobıl reseılik seriktester jetkizetin mashına jıyntyǵynan jınalady.
«Qazaqstan «GM-Avtovaz» úshin eksporttyń eń mańyzdy naryǵy bolyp tabylady», - delingen habarlamada.
«Al, qurastyrýdy lokalızatsııalaý - Qazaqstanǵa ákelinetin avtokólikterdi qaıta óńdeý jáne tirkeý alymdaryn tóleý boıynsha Reseı Federatsııasynyń qoldanystaǵy qorǵanys sharalary turǵysynan modelderdiń jergilikti naryqtaǵy básekege qabilettigin arttyrý úshin tartylǵan».
Ótken jyldyń qorytyndysy boıynsha «GM-Avtovaz» birlesken kásiporny 1 myń 555 Chevrolet Niva jol talǵamaıtyn kóligin eksporttaǵan. Bul aldyńǵy jylmen salystyrǵanda 34,5 protsentke az. Kásiporyn ókilderi bul kórsetkishti Qazaqstandaǵy satyp alýshylar belsendiliginiń tómendeýimen baılanystyryp otyr.
Olardyń paıymdaýynsha, jańa alymdardyń engizilýi kólikter baǵasynyń ósýine sebep bolyp otyr.
